Dati tar-Reġistrazzjoni

---

Ċertifikati Proviżorji (Eżamijiet ta’ Bordijiet Barranin)

Kull meta jintilef ċertifikat, individwu li poġġa għal eżami f’Malta jew Għawdex jista’ jimla l-formola biex japplika għal Ċertifikat Proviżorju. Dan is-servizz japplika għall-bordijiet tal-eżamijiet li huma:

• Edexcel / Università ta’ Londra;
• AQA (Assessment & Qualifications Alliance) / AEB (Associated Examining Board);
• Università ta’ Oxford għas-snin bejn l-1964 u l-1999 u
• City & Guilds għas-snin bejn l-1968 u l-1995.

Iċ-Ċertifikat jiġi pprovdut mid-Dipartiment tal-Eżamijiet fi żmien 5 ijiem tax-xogħol, hekk kif nirċievu l-informazzjoni meħtieġa u korretta.

Sabiex tapplika, jekk jogħġbok ikklikkja hawn.

---

Iktar Informazzjoni rigward Reġistrazzjonijiet

TELT Lulju 2026

Applikazzjonijiet għas-sessjoni ta’ Ġunju 2026 jiġu aċċettati onlajn mit-Tnejn 15 ta’ Ġunju sal-Ġimgħa 3 ta’ Lulju 2026.

L-eżami tal-kitba ser isir:

Data	Suġġett	Ħin
Is-Sibt, 25 ta’ Lulju 2026	Profiċjenza	09:00

---

L-Eżamijiet ta’ Kwalifikazzjoni għal Learning Support Educators Supplimentari – Ġunju 2026

L-applikazzjonijiet għall-eżamijiet ta’ Kwalifikazzjoni għal Learning Support Educators Supplimentari – Ġunju 2026 għalqu il-Ġimgħa 29 ta’ Mejju 2026.

L-eżamijiet tal-kitba ser isiru:

Data	Suġġett	Ħin
It-Tlieta, 23 ta’ Ġunju 2026	il-Malti	16:00
L-Erbgħa, 24 ta’ Ġunju 2026	il-Lingwa Ingliża	16:00
Il-Ħamis, 25 ta’ Ġunju 2026	il-Matematika	16:00

It-tielet sessjoni ta’ Eżamijiet ta’ Kwalifikazzjoni għal Learning Support Educators Supplimentari ser issir f’Novembru 2026, u l-applikazzjonijiet jiftħu f’Settembru.

---

Eżami għall-Applikazzjoni għall-Awtorizzazzjoni għal persuni li jagħmlu installazzjoni tal-Elettriku skont ir-Regolamenti dwar l-Installazzjonijiet Elettriċi (L.S. 545.24) – Lulju 2026

Ir-Reġistratur tal-Eżamijiet u l-Bord tal-Eżamijiet Pubbliċi Lokali jgħarrfu li l-eżamijiet għall-ħruġ ta’ Awtorizzazzjoni ‘A’ u ‘B’ għas-sessjoni ta’ Lulju 2026 isiru kif miġjub hawn taħt:

Awtorizzazzjoni A

Data	Karta	Ħin
It-Tlieta, 30 ta’ Ġunju 2026	Karta 1	09:00
Il-Ħamis, 2 ta’ Lulju 2026	Karta 2	09:00

Awtorizzazzjoni B

Data	Karta	Ħin
L-Erbgħa, 1 ta’ Lulju 2026	Karta 1	09:00
Il-Ġimgħa, 3 ta’ Lulju 2026	Karta 2	09:00

L-Eżami Prattiku u l-Intervista ser isiru bejn l-Erbgħa 9 ta’ Settembru 2026 u l-Erbgħa 30 ta’ Settembru 2026.

L-applikazzjonijiet issa huma magħluqin, minħabba li l-perjodu ta’ reġistrazzjoni kien bejn it-Tnejn 11 ta’ Mejju 2026 u l-Ġimgħa 22 ta’ Mejju 2026.

Applikazzjonijiet li waslu tard ma jiġux ikkunsidrati.

Agħfas hawn biex tniżżel l-avviż mill-Gazzetta tal-Gvern.

Is-sessjoni li jmiss għall-eżamijiet tal-Awtorizzazzjoni A u B ser issir f’Jannar/Frar 2027, u l-applikazzjonijiet jiftħu f’Novembru 2026.

Għal aktar informazzjoni, ibgħatu email fuq myexams@gov.mt

---

L-Eżamijiet għal Post ta’ Second Secretary fil-Ministeru għall-Affarijiet Barranin u t-Turiżmu Lulju 2026

L-applikazzjonijiet għall-eżamijiet għal Post ta’ Second Secretary fil-Ministeru għall-Affarijiet Barranin u t-Turiżmu ġew sottomessi fuq il-Portal tar-Reklutaġġ tal-Gvern fuq https://recruitment.gov.mt mill-Ġimgħa 17 ta’ April sat-Tnejn 4 ta’ Mejju 2026.

L-eżamijiet tal-kitba ser isiru:

Data	Suġġett	Ħin
L-Erbgħa, 1 ta’ Lulju 2026	l-Ingliż	09:00
Il-Ħamis, 2 ta’ Lulju 2026	il-Malti	09:00

---

Eżamijiet tal-Edexcel u Bordijiet Barranin li jkunu skedati fl-istess ħin bħal eżamijiet tal-MATSEC

Wara l-implimentazzjoni ta’ proċeduri riveduti u protokolli ta’ sigurtà msaħħa, id-Dipartiment tal-Eżamijiet jixtieq jinforma lill-kandidati prospettivi kollha li, minn Jannar 2026, mhux se jakkomoda każijiet fejn eżamijiet tal-Edexcel u Bordijiet Barranin ikunu skedati fl-istess ħin bħal eżamijiet tal-MATSEC.

Huwa rakkomandat li kandidati prospettivi jirreferu għall-iskedi uffiċjali rilevanti tal-eżamijiet, li jinsabu fuq https://myexams.gov.mt/mt/timetables/, qabel ma jirreġistraw.

---

Edexcel u AQA Mejju/Ġunju 2026 – Data tar-Riżultat

Il-kandidati li poġġew għall-eżamijiet tal-AQA u tal-Edexcel fis-sessjoni ta’ Mejju/Ġunju 2026 ser jirċievu r-riżultati tagħhom bil-posta minn:

Bord	Livell	Data
AQA	Avvanzat	il-Ħamis 13 ta’ Awwissu 2026
Edexcel	IAL	il-Ħamis 13 ta’ Awwissu 2026
Edexcel	IGCSE	il-Ħamis 20 ta’ Awwissu 2026

---

L-Eżamijiet tal-Edexcel Ottubru/Novembru 2026

Ser ikun hemm sezzjoni tal-Eżamijiet tal-Edexcel b’numru ta suġġetti limitati fix-xhur ta’ Ottubru/Novembru 2026. Applikazzjonijiet għal din is-sezzjoni se jkunu miftuħin matul ir-raba’ ġimgħa ta’ Lulju 2026. Aktar dettalji u informazzjoni ser jitellgħu aktar ‘il quddiem.

---

Sejħa għall-Espressjoni ta’ Interess biex jingħataw Servizzi ta’ Inviġilazzjoni fiċ-Ċentri tal-Eżamijiet f’Malta u/jew f’Għawdex – Preżentament Magħluqa

Is-Sejħa għall-Espressjoni ta’ Interess biex jingħataw Servizzi ta’ Inviġilazzjoni fiċ-Ċentri tal-Eżamijiet f’Malta u/jew f’Għawdex hija preżentament magħluqa, u terġa’ tiftaħ fl-1 ta’ Ottubru 2026.

Nixtiequ niġbdu l-attenzjoni li jiġu kkunsidrati biss l‑applikazzjonijiet sottomessi permezz tal‑formola uffiċjali fuq din il-websajt matul il‑perjodu tal-applikazzjonijiet.