Id-Dipartiment tal-Eżamijiet jagħmel parti mill-Uffiċċju tas-Segretarju Permanenti fi ħdan il-Ministeru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni (MEYR). L-uffiċini tad-Dipartiment jinsabu f’Pinto Business Centre, ġewwa Ħal Qormi u jikkonsisti f’tim ta’ ħamsa u għoxrin uffiċjal. Id-Dipartiment għandu wkoll iċ-Ċentru tal-Eżamijiet ġewwa r-Rabat, Għawdex.

Id-Dipartiment tal-Eżamijiet jamministra l-eżamijiet tal-MATSEC, eżamijiet ta’ bordijiet barranin, kif ukoll tal-Università. Id-Dipartiment huwa responsabbli wkoll għall-ippjanar, l-organizzazzjoni u l-implimentazzjoni tal-Eżamijiet Lokali Pubbliċi fi ħdan is-Servizz Pubbliku.

Id-Dipartiment tal-Eżamijiet jaħdem mal-Bord tal-Eżamijiet Lokali Pubbliċi, li hu appuntat mill-Ministeru għal Edukazzjoni preżenti, għall-implimentazzjoni tal-Eżamijiet Lokali Pubbliċi kollha. Id-Direttur tad-Dipartiment tal-Eżamijiet huwa r-Reġistratur tal-Eżamijiet Lokali Pubbliċi.

Il-pubbliku jista’ jindirizza l-mistoqsijiet tiegħu lid-Dipartiment tal-Eżamijiet permezz tal-ittra elettronika fuq myexams@gov.mt jew billi ċċempel fuq in-numru bla ħlas 153. Il-pubbliku jista’ jaċċessa wkoll is-servizzi pprovduti mid-Dipartiment tal-Eżamijiet permezz tal-Edu-Servizz One-Stop Shop u ċ-Ċentru tal-Eżamijiet f’Għawdex.

Viżjoni

Ikun Dipartiment distint li jimplimenta u jappoġġja t-tmexxija ta’ eżamijiet ta’ kwalità.

Missjoni

Valuri

Id-Dipartiment tal-Eżamijiet jikkondividi l-valuri etiċi tas-Servizz Pubbliku u għandu impenn serju lejn:

• • L-Eċċellenza – nistinkaw sabiex nagħtu servizzi tal-ogħla kwalità b’mod konsistenti;
• • Il-Professjonalità u l-Integrità – li naġixxu b’mod ġust u b’mod affidabbli waqt li nħaddnu prinċipji morali b’saħħithom u standards professjonali;
• • Il-Kollaborazzjoni – naħdmu flimkien ma’ professjonisti fi ħdan id-Dipartiment u anki ma’ dawk esterni;
• • L-Innovazzjoni – nużaw l-aħjar prattiċi sabiex niżguraw l-effiċjenza u r-rilevanza. Id-Dipartiment jistinka sabiex jagħti l-almu tiegħu f’kull kompitu;
• • Id-Diversità, l-Ekwità u l-Inklużjoni – ninvolvu l-esperjenzi, l-abilitajiet u l-perspettivi tal-impjegati u l-klijenti sabiex insawru l-prattiċi kurrenti u dawk futuri u nilqgħu l-isfida sabiex dawn ikomplu jitjiebu.

Dawn il-valuri jiggwidaw il-proċessi u s-servizzi kollha fi ħdan id-Dipartiment.

L-Istandards tas-Servizz lill-Klijenti

Id-Dipartiment tal-Eżamijiet jara li jkun:

• • professjonali u rispettuż mal-klijenti f’kull eventwalità.
• • Qiegħed jaġixxi u jwieġeb minnufih il-mistoqsijiet tal-klijenti.
• • Trasparenti u konsistenti fl-implimentazzjoni tal-politiki u tar-regolamenti.
• • Qiegħed jirċievi r-rispons tal-klijent u jevalwa kull sitwazzjoni b’mod adekwat.
• • Meqjus, koperattiv, u ta’ sapport lil kull klijent b’mod individwali, sabiex jassigura servizz ta’ kwalità.

Il-Funzjonijiet

Id-Dipartiment huwa responsabbli għall-amministrazzjoni tal-:

• • Eżamijiet tal-MATSEC (is-sessjoni ta’ Mejju u ta’ Settembru)
• • Eżamijiet ta’ bordijiet barranin li huma responsabbli għall-għotja tal-kwalifiki akkademiċi, vokazzjonali u/jew professjonali.
• • Eżamijiet ta’ dħul fis-Servizz Pubbliku, fil-Korporazzjoni Pubblika u fi sħubijiet kummerċjali fejn l-Istat għandu maġġoranza fl-ishma.
• • Eżamijiet għall-ħruġ tal-liċenzji lokali.
• • ICDL (International Computing Driving Licence) għall-istudenti tat-Tagħlim tul il-Ħajja.
• • Eżamijiet f’ isem partijiet terzi.

Tim

Preżentament, it-tim tad-Dipartiment tal-Eżamijiet jikkonsisti f’ ħamsa u għoxrin membru. It-tim maniġerjali jinkludi d-Direttur u l-Assistent Direttur.

Struttura Organizzativa

Il-Bord tal-Eżamijiet Lokali

Il-Bord tal-Eżamijiet Lokali Pubbliċi huwa korp indipendenti taħt il-Ministeru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni (MEYR) li jiżgura t-trasparenza u l-governanza tajba tal-Eżamijiet Lokali Pubbliċi kollha.

Il-Bord jikkonsisti minn Chairperson, Segretarju u erba’ membri maħtura mill-Ministru għall-MEYR. Id-Direttur tad-Dipartiment jaġixxi bħala r-Reġistratur tal-Bord. Ir-Reġistratur u s-Segretarju tal-Bord għandhom irwoli mhux eżekuttivi.

Id-Direttur tal-Eżamijiet

Sa Desiree Scicluna Bugeja għandha l-kariga ta’ Direttur fid-Dipartiment tal-Eżamijiet, wara li għamlet żmien qasir bħala Assistent Direttur fl-istess Dipartiment.

Fl-irwol preċedenti tagħha, Sa Scicluna Bugeja kienet Assistent Direttur fid-Direttorat għall-Programmi ta’ Tagħlim u Assessjar (DLAP) fejn kienet responsabbli għall-Edukazzjoni STEM. Sa Scicluna Bugeja għandha interess qawwi fl-assessjar u l-evalwazzjoni tal-edukazzjoni u spiss tagħti lekċers lill-edukaturi li qed jistudjaw għal-lawrja kif ukoll dawk li kisbu l-kwalifiki, dwar suġġetti relatati mal-kwalità u l-istandards fil-prattiki edukattivi. Apparti l-lawrja fl-edukazzjoni tal-għalliema, Sa Scicluna Bugeja kisbet ukoll diploma ta’ wara l-lawrja fl-Istudji taż-Żgħażagħ, kif ukoll Master’s fl-Evalwazzjoni u l-Assessjar fl-Edukazzjoni. Sa Scicluna Bugeja hija wkoll Analiżżatur Pari Esperta fl-Edukazzjoni Avvanzata u Ogħla.

L-Assistent Direttur