Dati tar-Reġistrazzjoni

---

Ċertifikati Proviżorji (Eżamijiet ta’ Bordijiet Barranin)

Kull meta jintilef ċertifikat, individwu li poġġa għal eżami f’Malta jew Għawdex jista’ jimla l-formola biex japplika għal Ċertifikat Proviżorju. Dan is-servizz japplika għall-bordijiet tal-eżamijiet li huma:

• Edexcel / Università ta’ Londra;
• AQA (Assessment & Qualifications Alliance) / AEB (Associated Examining Board);
• Università ta’ Oxford għas-snin bejn l-1964 u l-1999 u
• City & Guilds għas-snin bejn l-1968 u l-1995.

Iċ-Ċertifikat jiġi pprovdut mid-Dipartiment tal-Eżamijiet fi żmien 5 ijiem tax-xogħol, hekk kif nirċievu l-informazzjoni meħtieġa u korretta.

Sabiex tapplika, jekk jogħġbok ikklikkja hawn.

---

Iktar Informazzjoni rigward Reġistrazzjonijiet

Eżamijiet tal-Edexcel u Bordijiet Barranin li jkunu skedati fl-istess ħin bħal eżamijiet tal-MATSEC

Wara l-implimentazzjoni ta’ proċeduri riveduti u protokolli ta’ sigurtà msaħħa, id-Dipartiment tal-Eżamijiet jixtieq jinforma lill-kandidati prospettivi kollha li, minn Jannar 2026, mhux se jakkomoda każijiet fejn eżamijiet tal-Edexcel u Bordijiet Barranin ikunu skedati fl-istess ħin bħal eżamijiet tal-MATSEC.

Huwa rakkomandat li kandidati prospettivi jirreferu għall-iskedi uffiċjali rilevanti tal-eżamijiet, li jinsabu fuq https://myexams.gov.mt/mt/timetables/, qabel ma jirreġistraw.

L-Eżamijiet tal-Edexcel Mejju/Ġunju 2026

Applikazzjonijiet għas-sessjoni ta’ Mejju/Ġunju 2026 ġew aċċettati onlajn mit-Tnejn 1 ta’ Diċembru sat-Tlieta 9 ta’ Diċembru 2025.

Talbiet għal kwalunkwe addizzjonijiet/kanċellazzjonijiet/emendi fl-applikazzjoni ġew aċċettati b’imejl fuq gertrude.wachter@gov.mt bejn il-11 u 12 ta’ Diċembru 2025.

Reġistrazzjonijiet Tard ġew aċċettati ONLAJN bejn it-12 u t-13 ta’ Jannar 2026. Hemm ħlasijiet oħra (doppji)għal reġistrazzjonijiet li jsiru tard.

Reġistrazzjonijiet Tard Ħafna jiġu aċċettati ONLAJN bejn il-11 u t-12 ta’ Marzu 2026. Hemm ħlasijiet oħra (tripli) għal reġistrazzjonijiet li jsiru tard.

Arranġamenti għall-Aċċess ġew aċċettati mill-1 ta’Diċembru 2025 u t-13 ta’ Jannar 2026.

Ikklikja hawn għall-miżati tal-Edexcel

Ikklikja hawn għall-miżati tard tal-Edexcel

---

L-Eżamijiet tal-AQA Mejju/Ġunju 2026

Applikazzjonijiet għas-sessjoni ta’ Mejju/Ġunju 2026 ġew aċċettati onlajn mit-Tnejn 1 ta’ Diċembru sat-Tlieta 9 ta’ Diċembru 2025.

Talbiet għal kwalunkwe addizzjonijiet/kanċellazzjonijiet/emendi fl-applikazzjoni ġew aċċettati b’imejl fuq gertrude.wachter@gov.mt bejn il-11 u 12 ta’ Diċembru 2025.

Reġistrazzjonijiet Tard ġew aċċettati ONLAJN bejn it-12 u t-13 ta’ Jannar 2026. Hemm ħlasijiet oħra (doppji)għal reġistrazzjonijiet li jsiru tard.

Arranġamenti għall-Aċċess ġew aċċettati mill-1 ta’Diċembru 2025 u t-13 ta’ Jannar 2026.

Ikklikja hawn għal miżati tal-AQA

Ikklikja hawn għal miżati tard tal-AQA

---

L-Eżami ta’ Kwalifikazzjoni għal Learning Support Educators Supplimentari (SLSE) – Frar 2026

Applikazzjonijiet għas-sessjoni ta’ Frar 2026 ġew aċċettati onlajn mill-Ġimgħa 9 ta’ Jannar sal-Ġimgħa 23 ta’ Jannar 2026.

L-Eżamijiet ser isiru:

Malti – it-Tnejn, 16 ta’ Frar 2026

Lingwa Ingliża – it-Tlieta, 17 ta’ Frar 2026

Matematika – l-Erbgħa, 18 ta’ Frar 2026.

---

TELT – Marzu 2026

Applikazzjonijiet għas-sessjoni ta’ Marzu 2026 ġew aċċettati onlajn mit-Tnejn 26 ta’ Jannar sal-Ġimgħa 13 ta’ Frar 2026.

L-Eżami ser isir is-Sibt 7 ta’ Marzu 2026.

---

Eżami għall-Applikazzjoni għall-Awtorizzazzjoni għal persuni li jagħmlu installazzjoni tal-Elettriku skont ir-Regolamenti dwar l-Installazzjonijiet Elettriċi (L.S. 545.24) – Jannar 2026

Ir-Reġistratur tal-Eżamijiet u l-Bord tal-Eżamijiet Pubbliċi Lokali jgħarrfu li l-eżamijiet għall-ħruġ ta’ Awtorizzazzjoni ‘A’ u ‘B’ għas-sessjoni ta’ Jannar 2026 saru bejn:

It-Tnejn 26 ta’ Jannar 2026  u l-Ġimgħa 30 ta’ Jannar 2026

L-Eżami Prattiku u l-Intervista ser isiru bejn is-Sibt 21 ta’ Marzu 2026  u l-Ġimgħa 17 ta’ April 2026.

Il-kandidati setgħu japplikaw onlajn bejn it-Tnejn 10 ta’ Novembru 2025 u l-Ġimgħa 21 ta’ Novembru 2025.

Applikazzjonijiet li waslu tard ma jiġux ikkunsidrati.

Agħfas hawn biex tniżżel-l-avviż mill-Gazzetta tal-Gvern.

Għal aktar informazzjoni, ibgħatu email fuq myexams@gov.mt

---

Sejħa ta’ Interess għal Servizzi ta’ Invigilation fiċ-Ċentru tal-Eżamijiet f’Malta

IId-Dipartiment tal-Eżamijiet fi ħdan il-Ministeru għall-Edukazzjoni, Sport, Żgħażagħ, Riċerka u Innovazzjoni qed jilqa’ applikazzjonijiet mingħand persuni li jixtiequ joffru servizz ta’ Invigilator fiċ-Ċentru tal-Eżamijiet waqt l-eżamijiet tal-MATSEC, u/jew eżamijiet lokali oħra, u/jew eżamijiet ta’ bordijet barranin.

Applikanti prospettivi għandhom ikunu għalqu t-18-il sena sad-data tal-applikazzjoni, u ma jkunux għalqu t-78 sena sal-31 ta’ Diċembru 2026. Applikanti prospettivi jrid ikollhom ħiliet bażiċi fl-użu tal-kompjter.

Amministraturi tal-iskejjel, kif ukoll student jew gradwati f’livell terzjarju u edukaturi li rtiraw, huma mħeġġa li japplikaw. Is-sessjonijiet ta’ invigilation jistgħu jkunu filgħodu u/jew waranofsinhar u l-applikanti jistgħu jaħdmu b’mod flessibbli skont il-ħin u d-disponibilta` tagħhom.

L-applikanti li jintgħażlu jingħataw it-taħriġ meħtieġ.

Persuni interessati għandhom jissottomessu l-applikazzjoni tagħhom onlajn flimkien ma’ CV u ċertifikat tal-kondotta tal-pulizija (li jkun inħareġ sa mhux aktar minn tlett (3) xhur qabel l-applikazzjoni).

L-applikazzjonijiet għandhom jaslu sal-Ħamis 31 ta’ Diċembru 2026. Wara din id-data l-applikazzjonijiet jistgħu jiġu aċċettati wkoll, iżda l-ewwel preferenza tingħata lil dawk li jkunu applikaw sad-data tal-għeluq.

Għal aktar informazzjoni jew mistoqsijiet, l-applikanti jistgħu jikkuntattjaw lid-Dipartiment tal-Eżamijiet b’email fuq myexams@gov.mt .

Applikanti interessati jkunu jafu iktar informazzjoni fuq l-irwoli ta’ invigilator, jista` jara min hawn.

---

Sejħa ta’ Interess għal Servizzi ta’ Invigilation fiċ-Ċentru tal-Eżamijiet f’Għawdex

Id-Dipartiment tal-Eżamijiet fi ħdan il-Ministeru għall-Edukazzjoni, Sport, Żgħażagħ, Riċerka u Innovazzjoni qed jilqa’ applikazzjonijiet mingħand persuni li jixtiequ joffru servizz ta’ Invigilator fiċ-Ċentru tal-Eżamijiet f’Għawdex waqt l-eżamijiet tal-MATSEC, u/jew eżamijiet lokali oħra, u/jew eżamijiet ta’ bordijet barranin.

Applikanti prospettivi għandhom ikunu għalqu t-18-il sena sad-data tal-applikazzjoni, u ma jkunux għalqu t-78 sena sal-31 ta’ Diċembru 2026. Applikanti prospettivi jrid ikollhom ħiliet bażiċi fl-użu tal-kompjter.

Amministraturi tal-iskejjel, kif ukoll student jew gradwati f’livell terzjarju u edukaturi li rtiraw, huma mħeġġa li japplikaw. Is-sessjonijiet ta’ invigilation jistgħu jkunu filgħodu u/jew waranofsinhar u l-applikanti jistgħu jaħdmu b’mod flessibbli skont il-ħin u d-disponibilta` tagħhom.

L-applikanti li jintgħażlu jingħataw it-taħriġ meħtieġ.

Persuni interessati għandhom jissottomessu l-applikazzjoni tagħhom onlajn flimkien ma’ CV u ċertifikat tal-kondotta tal-pulizija (li jkun inħareġ sa mhux aktar minn tlett (3) xhur qabel l-applikazzjoni).

L-applikazzjonijiet għandhom jaslu sal-Ħamis 31 ta’ Diċembru 2026. Wara din id-data l-applikazzjonijiet jistgħu jiġu aċċettati wkoll, iżda l-ewwel preferenza tingħata lil dawk li jkunu applikaw sad-data tal-għeluq.

Għal aktar informazzjoni jew mistoqsijiet, l-applikanti jistgħu jikkuntattjaw lid-Dipartiment tal-Eżamijiet b’email fuq myexams@gov.mt .

Applikanti interessati jkunu jafu iktar informazzjoni fuq l-irwoli ta’ invigilator, jista` jara min hawn.

---