---

TELT Mejju 2025

Applikazzjonijiet għas-sessjoni ta’ Mejju 2025 jiġu aċċettati onlajn mit-Tnejn 21 ta’ April sal-Ġimgħa 9 ta’ Mejju 2025.

L-eżami tal-kitba ser isir nhar is-Sibt 31 ta’ Mejju 2025.

---

SLSE Ġunju 2025

Applikazzjonijiet għas-sessjoni ta’ Ġunju 2025 jiġu aċċettati onlajn mill-Ġimgħa 16 ta’ Mejju sal-Ġimgħa 30 ta’ Mejju 2025.

L-eżami tal-kitba ser isir kif imsemmi hawn taħt:

It-Tlieta 24 ta’ Ġunju 2025 – l-eżami tal-Malti

L-Erbgħa 25 ta’ Ġunju 2025 – l-eżami tal-lingwa Ingliża

Il-Ħamis 26 ta’ Ġunju 2025 – l-eżami tal-Matematika

---

Eżami għall-Applikazzjoni għall-Awtorizzazzjoni għal persuni li jagħmlu installazzjoni tal-Elettriku skont ir-Regolamenti dwar l-Installazzjonijiet Elettriċi (L.S. 545.24) –Lulju 2025

Id-Dipartiment tal-Eżamijiet u l-Bord tal-Eżamijiet Pubbliċi Lokali jgħarrfu li l-eżamijiet għall-ħruġ ta’ Awtorizzazzjoni ‘A’ u ‘B’ għas-sessjoni ta’ Lulju 2025 ser isiru bejn:

It-Tlieta 1 ta’ Lulju 2025 u l-Ġimgħa 4 ta’ Lulju 2025.

L-Eżami Prattiku u l-Intervista ser isir bejn it-Tlieta 9 ta’ Settembru 2025 u t-Tlieta 30 ta’ Settembru 2025.

Il-kandidati jistgħu japplikaw onlajn bejn it-Tnejn 12 ta’ Mejju 2025 u l-Ġimgħa 23 ta’ Mejju 2025.

Applikazzjonijiet li waslu tard ma jiġux ikkunsidrati.

Agħfas hawn biex tniżżel-l-avviż mill-Gazzetta tal-Gvern.

Għal aktar informazzjoni, ibgħatu email fuq myexams@gov.mt

---

L-Eżamijiet tal-Edexcel u AQA Ġunju 2025

Applikazzjonijiet għas-sessjoni ta’ Ġunju 2025 ġew aċċettati onlajn mit-Tnejn 6 ta’ Jannar sat-Tnejn 13 ta’ Jannar 2025.

Talbiet għal kwalunkwe addizzjonijiet/kanċellazzjonijiet/emendi fl-applikazzjoni ġew aċċettati b’imejl fuq raiza.mizzi@gov.mt bejn is-16 u 17 ta’ Jannar 2025.

Reġistrazzjonijiet Tard ġew aċċettati ONLAJN bejn it-3 u l-4 ta’ Marzu 2025. Hemm ħlasijiet oħra għal reġistrazzjonijiet li jsiru tard.

Arranġamenti Addizzjonali ġew aċċettati s-6 u s-17 ta’Jannar 2025.

Ikklikja hawn sabiex tara r-rati ta’ ħlas ta’ Edexcel.

Ikklikja hawn sabiex tara r-rati ta’ ħlas tard ta’ Edexcel.

Ikklikja hawn sabiex tara r-rati ta’ ħlas ta’ AQA.

Ikklikja hawn sabiex tara r-rati ta’ ħlas tard ta’ AQA.

---

Sejħa ta’ Interess għal Invigilators

Id-Dipartiment tal-Eżamijiet fi ħdan il-Ministeru għall-Edukazzjoni, Sport, Żgħażagħ, Riċerka u Innovazzjoni qed jilqa’ applikazzjonijiet mingħand persuni li jixtiequ jservu bħala Invigilators fiċ-ċentri tal-eżamijiet waqt l-eżamijiet tal-MATSEC, eżamijiet lokali, u eżamijiet oħrajn ta’ bordijet barranin.

Applikanti prospettivi meħtieġa jkollhom ħiliet fl-użu tal-kompjter. L-applikanti jridu jippreżentaw ċertifikat tal-kondotta li jkun inħareġ sa mhux aktar minn tlett (3) xhur qabel l-applikazzjoni.

Edukaturi li rtiraw, kif ukoll amministraturi tal-iskejjel u studenti f’livell terzjarju huma mħeġġa li japplikaw. Is-sessjonijiet ta’ inviġilazzjoni jistgħu jkunu filgħodu u/jew waranofsinhar u l-applikanti jistgħu jaħdmu b’mod flessibbli skont il-ħin u d-disponibilta` tagħhom. L-applikanti b’esperjenza ta’ edukaturi bħal għalliema, LSE, KGE u oħrajn jistgħu jiġu assenjati rwoli oħra bħala reader, prompter jew scribe, skont l-eżiġenzi tad-Dipartiment.

L-applikanti li jintgħażlu jingħataw it-taħriġ meħtieġ.

L-applikazzjonijiet għandhom jiġu sottomessi onlajn flimkien ma’ CV u kondotta tal-pulizija fuq il-websajt tad-Dipartiment tal-Eżamijiet

L-applikazzjonijiet għandhom jaslu sal-Erbgħa 31 ta’ Diċembru 2025. Wara din id-data l-applikazzjonijiet jistgħu jiġu aċċettati wkoll, iżda l-ewwel preferenza tingħata lil dawk li jkunu applikaw sad-data tal-għeluq.

Għal aktar informazzjoni jew mistoqsijiet, l-applikanti jistgħu jikkuntattjaw lid-Dipartiment tal-Eżamijiet b’email fuq myexams@gov.mt.

Applikanti interessati jkunu jafu iktar informazzjoni fuq l-irwoli ta’ invigilators, jista` jara min hawn.

---

Formoli oħra:

Għal Ċertifikat Proviżorju / Eżamijiet Tat-Tagħlim Tul Il-Ħajja ICDL, jekk jogħġbok ikklikkja hawn.