Dwarna

Id-Dipartiment tal-Eżamijiet jagħmel parti mill-Uffiċċju tas-Segretarju Permanenti fil-Ministeru għall-Edukazzjoni u l-Isport (MES). L-uffiċċji tad-Dipartiment jinsabu f’Pinto Business Centre f’Ħal Qormi. Id-Dipartiment imexxi wkoll iċ-Ċentru tal-Eżamijiet ta’ Għawdex, fir-Rabat. Fid-Dipartiment iwettqu l-ħidma tagħhom tim ta’ ħamsa u għoxrin uffiċjal.

Id-Dipartiment tal-Eżamijiet jamministra l-eżamijiet tal-MATSEC kif ukoll l-eżamijiet ta’ entitajiet u Universitajiet barranin. Id-Dipartiment huwa wkoll responsabbli għall-ippjanar, l-organizzazzjoni u l-implimentazzjoni tal-Eżamijiet Pubbliċi Lokali fi ħdan is-Servizz Pubbliku.

Id-Dipartiment tal-Eżamijiet ġie onorat bil-premju prestiġjuż tal-Quality Label fiċ-Ċerimonja tal-Awards tas-Servizz Pubbliku tal-2026. Dan il-premju jirrikonoxxi l-impenn tiegħu għall-eċċellenza, l-innovazzjoni, u l-għoti ta’ servizzi ffukati fuq il-klijent. Il-Premju tal-Quality Label iservi mhux biss bħala rikonoxximent tal-kisbiet tal-passat iżda wkoll bħala motivazzjoni għad-Dipartiment tal-Eżamijiet biex ikompli jtejjeb is-servizzi tiegħu u jikkontribwixxi għal Servizz Pubbliku aktar effettiv u ċċentrat fuq iċ-ċittadini.